“Pronto, kam problem me gruan”… Rama vijon telefonatat, qytetari: Nga po më flet ti mua?

Shqipëria

“Pronto, kam problem me gruan”… Rama vijon telefonatat, qytetari: Nga po më flet ti mua?

Më: 30 mars 2020 Në ora: 20:31
Edi Rama

Kryeministri Edi Rama ka vijuar dhe sot me telefonatat me qytetarët dhe u ka kërkuar atyre që t’i tregojnë problemin.

Një qytetar nuk është bindur që nga ana tjetër e telefonit ka qenë Rama, po i ka thënë se e puthte nga larg.

Qytetari: Pronto!

Rama: Pronto! Edi jam. Edi Rama. Si je?

Qytetari: Ti je Edi Rama?

Rama: Ai duhet të jem. Ke lënë një shënim. Ti je Fatmir Idrizaj apo jo?

Qytetari: Po!

Rama: Ke lënë një shqetësim tek platforma e bashkëqeverisjes.

Qytetari: Kam problem gruan.

Rama: Ke problem gruan!(qesh) Pse?

Qytetari: Nga po më flet mua ti. Jam fare i çorientuar.

Rama: Unë jam Edi Rama. Po të marr në telefon. Ti do të dish se në çfarë vendi jam i ulur?! Jam në zyrë dhe po të marr sepse ke lënë një shqetësim. Ke arsye shëndetësore apo ke problem gruan se nuk po të kuptoj.

Qytetari: Ju puth fort për së largu kushdo qofshi ju!

Rama: Na puth!

Qytetari: Kam operuar gruan në nëntor. I kam vënë koronaren në Tiranë dhe që atëherë ajo është me defekt të madh. Ka një enjtje të paparë dhe nuk lëviz dot.

Rama: Nesër në mëngjes do vijnë mjekët në shtëpi.

Qytetari: Ju përqafoj dhe ju puth. Nuk ma merr mendja që jeni Edi

Rama: Na mbyte me të puthura. Hap televizorin dhe më sheh.

Qytetari: Ta bëftë perëndia dritë dhe jetën e gjatë.

Rama: Të ketë jetë të gjatë gruaja.

commentFirst article
Sot mund të lexoni Shfletoni kopertinat