Një qytetar nga Korça iu ankua kryeministrit Edi Rama se kompania në të cilët punon mund t’i ndërpresë pagesat e sigurimeve shoqërore gjatë periudhë që janë në shtëpi për shkak të masave kundër koronavirusit.
Kreu i qeverisë tha se ka shumë persona që ankohen për këtë problem, duke nënvizuar se është e ndaluar me ligj një veprim i tillë.
Dialogu:
Rama: Jovan, mirëmbrëma! Si e kam Korçën? Mirë është? Çfarë problemi keni se jeni ankuar?
Jovani: Janë hapur disa llafe këtej nga puna. Punoj në një firmë transport udhëtarësh ndërkombëtare. Kemi dëgjuar disa llafe se duan të na shkëpusin nga sigurimet shoqërore kompania. Është e mundur?
Rama: Dmth që të mos ju paguajnë sigurimet shoqërore?
Jovani: Po! Të mos paguajnë sigurimet gjatë periudhës që jemi në shtëpi.
Rama: U është ndaluar ligjërisht! Nuk është e mundur. Ne do merremi me këtë. Ka raste plot të kësaj natyre. Të përshëndes, kurajo dhe durim.