27 emigrantët shqiptarë të cilët kishin ngecur prej 4 netëve në zonën neutral të doganës së Kapshticës, tashmë kanë mbërritur në hotelin ku do të karantinohen për 14 ditët e ardhshme.
Evakuimi u bë gjatë mbrëmjes së sotme pas plotësimit të procedurave dhe kontrollit mjekësor. Ata janë shoqëruar nën masa të rrepta sigurie nga policia e Shtetit.
Shpenzimet për 27 shqiptarët do të mbulohen nga Këshilli Kordinues i Diasporës. Ndërkohë gjatë 14 ditëve këta persona do të monitorohen nga policia dhe vetëm pasi të kenë përfunduar këtë karantinë do të mund të largohen për në banesat e tyre.
