Një tjetër ngjarje e rëndë është regjistruar këtë mbrëmje në afërsi të burgut të Peqinit. Nga raportimet paraprake mësohet se një person ende i paidentifikuar ka qëlluar me armë në drejtim të një punonjësi të policisë së burgut të Peqinit.
Polici ka mbetur i plagosur. Ende nuk dihet gjendja e tij shëndetësore.
Ky është krimi i dytë i ndodhur këtë të martë, pasi më herët një person u qëllua me armë në Shkodër.
Ndërkohë ditën e djeshme bilanci ishte tragjik me 4 të vdekur dhe dy persona që kryen vetvrasje.