Inertet e krijuara nga shembja me shpërthim të kontrolluar e një prej godinave të dëmtuara nga tërmeti, në zonën e Shkëmbit të Kavajës, ndodhen këtu prej 3 javësh.
Ato janë kthyer dhe në një vend për hedhjen e mbetjeve urbane. Banorët janë të shqetësuar për gjendjen e tyre, po dhe të godinave të tjera që rrezikojnë të shemben.
”Të gjithë hedhin mbeturinat këtu. Më mirë të mos e prishnin se e prishën.”
”Mirë që na e prishën po të tërë njerëzit hedhin mbeturinat. Vjen erë e qelbur këtu dhe makinat s’kanë ku kalojnë. Nuk e di ç’do të bëhet? Ai tjetri është gati duke u rrëzuar. T’i heqin. Ç’punë bën bashkia?”
Përveç ndotjes mjedisore dhe imazhit të shëmtuar, këto terrene janë kthyer në të pasigurta për fëmijët e zonës.
”Ndjehem i pasigurt se kolonat janë të shtrembëruara. Mund të bien mbi makina e pallatin tonë.”
”Edhe kur luajmë mund të bjerë ndonjë gurë. Edhe xhamat janë të thyer.”
”Edhe terreni është me gura e mund të rrëshqasim.”
