Një pacient 88-vjeçar nga Tirana ka ndërruar jetë sot në spitalin Infektiv. Referuar shërbimit infektiv, shkaku i humbjes së jetës ishte si pasojë e sulmit në zemër nga insuficienca kardio-respiratore.
“I moshuari ishte bartës i COVID19, por asimtomatik për sëmundjen. 88 vjeçari vuante nga insuficienca renale kronike, stadi I katërt, diabet, hipertension, anemi grave”, ka njoftuar Ministria e Shëndetësisë.
Numri i viktimave nga koronavirusi në Shqipëri ka shkuar në 34, ndërsa numri i rasteve pozitive në 1 mijë e 143, derisa numri i të shëruarve ka shkuar në 877./
