Komisioni i Pavarur i Kualifikimit shkarkon nga detyra gjyqtaren pranë Gjykatës së Posaçme të Apelit për Korrupsionin dhe Krimin e Organizuar, Nure Dreni.
Gjyqtarja është pjesë e trupit gjykues që po gjykon dosjen e ish ministrit të Brendshëm, Saimir Tahiri dhe ish drejtorit të Policisë së Vlorës, Jaeld Çela dhe është caktuar data 24 qershor, si datë për shpalljen e vendimit.
Trupi gjykues që po gjykon dosjen e ish ministrit të Brendshëm përbëhej nga: Nure Dreni, Albana Boksi dhe Nertina Kosova.
Ndërsa seancën e kaluar, Prokurorët Vladimir Mata dhe Dritan Prenci kërkuan dënimin me 12 vite burg për dy ish zyrtarët ndërsa avokatët kërkuan pafajësi.
Ndërsa është konfirmuar në detyrë Edlira Petrin, gjyqtare në Gjykatën e Apelit Tiranë.