Pas prishjes së banesës së Nexhmije Hoxhës nga ndërtimi i Unazës së re, djali i Enver Hoxhës dhe Nexhmijes i ka dërguar një letër kryeministrit Rama dhe ambasadorëve.
Ai shkruan në letër se janë vjedhur relike të familjes dhe janë dëmtuar materiale.
Shtëpia e Hoxhës u shemb ditën e premte (26 qershor) ku për më shumë se 25 vite jetoi bashkëshortja e ish-diktatorit Enver Hoxha, Nexhmije Hoxha.
Në këtë banesë Nexhmija jetoi që prej vitit 1994 deri ditën kur vdiq më 26 shkurt të këtij viti në moshën 99-vjeçare.
Godina ishte bërë pengesë për projektin e unazës së re, ndërsa prej orëve të para të mëngjesit nisi puna për nxjerrjen e orendive shtëpiake.
Punëtorët e IKMT dhe familjarë nxituan të largojnë sendet personale të gruas së diktatorit, para se fadromat të nisnin shembjen.
Korniza të mëdha me foto të vjetra bardh e zi, ku në qendër të tyre qëndron ish-diktatori hoxha, apo dhe sende të tjera personale janë zhvendosur nga banesa.
Mes sendeve personale janë dhe këta dy thasë me libra të cilët janë marrë nga familjarët e ish-diktatorit dhe bashkëshortes së tij.
Orenditë shtëpiake po ashtu janë zhvendosur para se të ndërhyhet për shembjen.
Kati i dytë i kësaj banese ka qenë streha e saj pas largimit nga ish-Blloku.
Këto ndërtesa më parë kanë qenë godina të ish reparteve ushtarake dhe ish pularisë, dhe banorët një pjesë i kanë
