Ruçi në Presidencë për Kushtetuesen - Bota Sot
Ruçi në Presidencë për Kushtetuesen

Shqipëria

Ruçi në Presidencë për Kushtetuesen

Më: 30 qershor 2020 Në ora: 12:46
Gramoz Ruçi

Presidenti Ilir Meta dhe kreu i Kuvendit Gramoz Ruçi do të zhvillojnë një takim në Presidencë në orën 12:30. Ruçi u paraqit në zyrën e Kreut të Shtetit 6 minuta para orarit të lajmëruar.

Në fokus të takimit të tyre është diskutimi i raportit të fundit të Venecias për emërimet në Kushtetuese.

Tre ditë më parë Ilir Meta e ftoi zyrtarisht Ruçin për takim.

Meta: Për të zhvilluar një takim duke filluar nga e hëna në mënyrë që në Shqipëri, reforma në drejtësi të fitojë shpejtësinë e humbur.

Ndërkohë dje kryeparlamentari Ruçi priti në zyrën e tij përreth 20 minuta ambasadoren Yuri Kim.

Kjo e fundit kërkoi angazhimin e parlamentit për të bërë sa më shpejt funksionale Gjykatën Kushtetuese dhe Gjykatën e Lartë. 

Pas përplasjeve mes Kuvendit, Presidenit dhe ish-Kreut të KED, kjo çështje ka mbetur pezull pasi ende nuk ka një listim të emrave, edhe pse prej muajsh Presidenti dhe Parlamenti i kanë nisur emrat e kandidatëve për vakancat.

Shfaq komentet
comments powered by Disqus
Sot mund të lexoni Shfletoni kopertinat