Ish-kryeministri i Shqipërisë, Sali Berisha ka reaguar ashpër pas vdekjeve që kanë ndodhur në 24 orëshin e fundit në Shqipëri.
Në shtetin shqiptarë brenda 24 orëve kanë vdekur pesë veta nga therjet me thika, që Berisha këtë e quan horror.
Ai thotë se këto vrasje janë më shumë sesa përleshjet afgane me talebanët.
Ai shton se Shqipëria është në duart e krimit, dhe rrezikohet të hiqen vizat nga BE-ja.
Postimi i plotë:
Horror!
5 Vrasje, therje në 24 orët e fundit.
Më shumë se në Afganistan.
Vendi në kthetrat e zeza të krimit!
Miq, në harkun kohor të 16 orëve të fundit u regjistruan pesë vrasje më shumë se në përleshjet midise trupave të qeverisë afgane me talebanët.
Vendi ndodhet tërësisht në duart e krimit.
Kjo është rezultat:
1-i lidhjeve të ngushta të qeverisë nga narkokreu i saj me organizatat e bandave, drogës dhe krimit. Bazuar në nocionin se krimi që ndihmon pushtetin është i dobishëm.
2-shndërrimit të policisë në narkopolici me misionin e mbushjes së vendit me kanabis elektoral.
3-Mos ndëshkimit nga narkodrejtësia, degë e ekzekutivit të vrasësve, rrëmbyesve, pengmarrësve dhe trafikanteve dhe
4-lirimit me urdhër të kryekreut të meduzes nga burgu njeri pas tjetri të vrasësve serial të dënuar me dënim të përjetshëm.
Vendi është tërësisht në duart e krimit. Narkopolicia është e zënë me mbrojtjen e plantacioneve të hashashit.
Miq, krimi shqiptar është rrezik për mbarë Europen. Shqipëria ecën drejt rikthimit të vizave. sb
