Një tjetër humbje u shënua sot nga radhët e mjekëve si pasojë e koronavirusit. Mjeku pneumonolog Anibal Byberi humbi sot betejën me COVID-19.
Drejtuesja e Shërbimit të Pneumologjisë, në spitalin ‘Shefqet Ndroqi’, Silvana Bala bëri të ditur se mjeku ka shkuar mbrëmë në spital në parametrat e fundit, pasi kishte qëndruar 10 ditë në shtëpi.
Më tej ajo shtoi se fatkeqësisht kishte një obezitet shumë të madh, dhe kjo ka bërë që të mos e përballojë dot situatën.
“Anibali ka qenë një nga shokët e mi të afërt ka kryer specializimin para 4 viteve në spitalin tonë.
Ka ardhur dje pasdite vonë. Unë sot në mëngjes kam marrë vesh për humbjen e jetës së Anibalit. Kam një keqardhje dhe i përcjell familjes ngushëllimet e mia. Ai ka qëndruar në shtëpi për 10 ditë me simptoma të Covid. Anibali fatkeqësisht kishte një obezitet shumë të madh dhe normalisht pacientët që shoqërohen dhe me sëmundjen të tjera nuk e përballojnë. Më vjen keq nuk mund të flas më tej për Anibalin.
Obeziteti është në disfavor për këta pacientë. Ai punonte mjek në familje. Ka ardhur me paramentra të rënduara”, tha ajo.
