Në kuadër të përfundimit të kursit 1-vjeçar për oficerë të rinj të 30 djemve dhe vajza, ministrja e Mbrojtjes Olta Xhaçka u ka bërë thirrje maturantëve që të aplikojnë.
Xhaçka u shpreh se Forcat e Armatosura ofrojnë 60 kuota studimi për programin bachelor në Shkenca Ushtarake për ciklin akademik 2020-2023.
Po ashtu, ministrja përmendi përfitimet dhe kushtet për ata që aplikojnë në Akademinë e Forcave të Armatosura.
“Ndërkohë që 30 vajza dhe djem përfunduan kursin 1-vjeçar të oficerit të ri në Forcat e Armatosura, unë u bëj thirrje të gjithë maturantëve të shfrytëzojnë ditën e fundit të aplikimeve në universitete për të zgjedhur Akademinë e Forcave të Armatosura. AFA ofron 60 kuota studimi për programin bachelor në Shkenca Ushtarake për ciklin akademik 2020-2023. Atë që ofron Akademia e FA për maturantët s’e ofron askush tjetër:
Akomodim dhe ushqim falas për të gjithë periudhën e studimit
Tarifë studimi 0 lekë në vit
Pagesë mujore ndihmëse për të gjithë periudhën e studimit
Punësim i sigurt pas përfundimit të studimeve.”