Meta: Të merrem masa të menjëhershme për neutralizimin e vatrave të zjarreve - Bota Sot
Meta: Të merrem masa të menjëhershme për neutralizimin e vatrave të zjarreve

Shqipëria

Meta: Të merrem masa të menjëhershme për neutralizimin e vatrave të zjarreve

Më: 3 gusht 2020 Në ora: 12:55
Ilir Meta

Presidentit të Republikës, Ilir Meta ka reaguar në lidhje me situatën e zjarreve që kanë rënë në vendin tonë.

Meta nxit autoritetet si vendore ashtu edhe qendrore që të marrin masa menjëherë për të neutralizuar çdo vatër zjarri.

Meta shton se duhet të punohet që të eliminohet rreziku për jetën e qytetarëve.

Reagimi i Presidentit: Presidenti i Republikës Ilir Meta është duke ndjekur me shumë shqetësim situatën aktuale të përhapjes së vatrave të zjarreve në disa qarqe të vendit.

Presidenti Meta nxit autoritetet qendrore dhe  vendore për koordinimin në kohë dhe marrjen e masave të menjëhershme dhe efektive të emergjencës, për të neutralizuar çdo vatër zjarri që do të dëmtonte rëndë pasurinë publike, kombëtare dhe atë private.

Duke theksuar rëndësinë e ruajtjes së mjedisit dhe të natyrës, Presidenti Meta tërheq veçanërisht vëmendjen për eliminimin e rrezikut për jetët e qytetarëve.

Sot mund të lexoni Shfletoni kopertinat