Grupi parlamentar “Demokrat” ka kallëzuar në SPAK ministrin e Brendshëm Sandër Lleshaj për tenderin e uniformave të Policisë së Shtetit.
Sipas tyre Lleshaj ka kryer një sërë veprash penale, që kanë të bëjnë me shpërdorimin e detyrës.
Ndër të tjera: Korrupsion Aktiv i personave që ushtrojnë funksione publike” , parashikuar nga neni 244;
“Korrupsion Aktiv i funksionarëve të lartë shtetëror ose të zgjedhurve vendorë” parashikuar nga neni 245;
“Shpërdorimit të detyrës” parashikuar nga neni 248;
“Shkelje e barazisë së pjesëmarrësve në tendera apo ankande publike” parashikuar nga neni 258;
“Korrupsion Pasiv i personave që ushtrojnë funksione publike” , parashikuar nga neni 259;
“Korrupsion Pasiv i funksionarëve të lartë shtetëror ose të zgjedhurve vendorë” parashikuar nga neni 260.
Sipas deputetit Myslim Murrizi tenderi i Uniformave i është dhënë një kompanie, e cila është regjistruar në Qendrën Kombëtare të Biznesit për pastrim dherash dhe shkëmbime tregtare, por që nuk lidhje aspak me objektin e tenderit.
“Në datë 14 korrik ministria e Brendshme ka bërë një tender 23 milionë euro për uniformat, tender i nisur para një viti, i ngecur në ingranazhet e korrupsionit. Në garë ishin tre kompani. Kompania turke ofroi 4.2 mln euro më pak dhe shpallët fituese kompaninë DE e cila ka në objektin e saj sipas regjistrimit në QKB, gërmime dheu dhe shkëmbime tregtare.
Kjo kompani çuditërisht është e preferuara e të gjitha qeverive”, u shpreh Murrizi.