Protestë për ujë/ Banorët e fshatit afër Korçës kanë vetëm një orë në ditë

Shqipëria

Protestë për ujë/ Banorët e fshatit afër Korçës kanë vetëm një orë në ditë

Më: 6 gusht 2020 Në ora: 12:19
Foto ilustrim

Mungesa e ujit të pijshëm, kanalizimet dhe ndriçimi kanë bërë që banorët e fshatit Barç të protestojnë duke kërkuar zgjidhjen e problematikave të tyre.

Të paktën 2000 banorë që jetojnë në këtë fshat vetëm pak metra larg Korçës prej vitesh përballen me këtë situatë të vështirë ndërsa këtë verë mungesa e ujit të pijshëm është rënduar edhe më tepër.

Edhe pse ata paguajnë faturat për ujin e pijshëm ky është një shërbim që nuk e përfitojnë. Sipas tyre investimet mungojnë ndërsa kërkesat e tyre nuk merren parasysh.

E vetmja mundësi për këta banorë mbeten çezmat e fshatit dhe një orë ujë në ditë furnizim çka i vendos në një situatë të vështirë gjatë gjithë verës.

Shfaq komentet
comments powered by Disqus
Sot mund të lexoni Shfletoni kopertinat