E infektuar me Covid/ Drejtoresha e Arsimit në Elbasan sqaron ku do e marrin shërbimin qytetarët - Bota Sot
E infektuar me Covid/ Drejtoresha e Arsimit në Elbasan sqaron ku do e marrin shërbimin qytetarët

Shqipëria

E infektuar me Covid/ Drejtoresha e Arsimit në Elbasan sqaron ku do e marrin shërbimin qytetarët

Më: 9 gusht 2020 Në ora: 14:15
Drejtoresha e Arsimit në Elbasan, Anila Çota

Drejtoresha e Arsimit në Elbasan, Anila Çota është konfirmuar pozitive me koronavirus. Në një prononcim për Fax News, bëri me dije se zyra po punon me staf të reduktuar, ndërsa pjesa tjetër nga shtëpia për të mos pezulluar punën.

Çdo qytetar do të marrë shërbimin e nevojshëm përmes shërbimit postar apo email-it. “Të gjitha detyrimet tona ligjore po kryhen në afat pa sjellë asnjë pengesë pavarësisht gjendjes time shëndetësore. Të lutem mos i panikosni qytetarët se po më telefonojnë të shqetësuar në lidhje me nevojat e tyre.

Unë tashmë i kam deleguar kompetencat e mia sipas ligjit dhe gjithçka kryhet konform kërkesave. Tamponit i janë nënshtruar edhe familjarët e mi, të cilët në testin e parë kanë rezultuar negativ”, u shpreh Çota.

Një ditë më parë, përditësimi i Ministrisë së Shëndetësisë tregoi se Elbasani ishte qyteti i dytë pas Tiranës me numrin më të lartë të të infektuarve për periudhën 24 orëshe me 19 raste të reja.

Sot mund të lexoni Shfletoni kopertinat