Këto pamje flasin qartë për mënyrën sesi është katandisur Vlora. Janë banorët e lagjes “Lirim” që prej disa vitesh vuajnë problematiken e ujit të pijshëm dhe askush nuk kujtohet të reagojë, as bashkia e Vlorës.
Video tregon qartë sesi një autobot që shkon në këtë lagje 3 herë në javë sjell ujë të pijshëm që banorët e paguajnë me të ardhurat e tyre.
Në pamje duket qartë që ka edhe fëmijë me bidona në duar, gra dhe të moshuar që mbajnë radhë për të mbushur ujin.
Siç tregojnë vetë ata, paguajnë 5 lekë për litër, një kosto shtesë kjo për xhepin e secilës familje.
E njëjta situatë është edhe në lagjet “Llonxhë”, ” Partizani”, ” Karabash”, të cilat janë shumë pranë njëra-tjetrës.
Për kryeqytetasit këto pamje janë të njohura, pasi në pjesën më të madhe të Tiranës paraqitet e njëjta situatë, uji i pijshëm ose sigurohet në dyqane ose në autobote.