U kap nga RENEA në çadër / Kush është "Lili i Rrushkës", organizatori i ngjarjeve në Tushemisht - Bota Sot
U kap nga RENEA në çadër / Kush është "Lili i Rrushkës", organizatori i ngjarjeve në Tushemisht

Shqipëria

U kap nga RENEA në çadër / Kush është "Lili i Rrushkës", organizatori i ngjarjeve në Tushemisht

Më: 13 gusht 2020 Në ora: 00:47
Lili i Rrushka

4 persona u arrestuan si autorë të ngjarjes së ndodhur pranë një hoteli në Tushemisht, ku u qëllua me breshëri armësh, disa ditë më parë.

Një prej tyre është edhe Ilir Berberi. Ai u arrestua nga policia në një çadër që kishte ngritur enkas për t’u strehuar. Deri tani dyshohet se ai kishte rolin e organizatorit në këtë ngjarje që terroizoi vendin.

Sipas policisë, Berberi është një person me rrezikshmëri të lartë shoqërore, ku ka qenë i hetuar dhe dënuar për vepra të ndryshme kriminale.

Ilir Berberi ka qenë i dënuar për gjobvënie, vjedhje dhe armëmbajtje pa leje. Në Pogradec njihet si “Lili i Rrushkës”, ndërsa është hetuar edhe për disa ngjarje të rënda kriminale si për vrasjen e shefit të komisariatit në Pogradec Argon Gjyrezi.

52-vjeçari ishte edhe një nga personat e shpallur në kërkim për sulmin me armë që u bë më 9 gusht hotel Voloreka në Pogradec, ku u qëlluan makinat e parkuara në hotel dhe po ashtu edhe në drejtim të dhomës së djalit të pronarit të hotelit, Jetmir Muçllari.

Shfaq komentet
comments powered by Disqus
Sot mund të lexoni Shfletoni kopertinat