Rritja e infektimeve me Covid-19/ Brataj: Po shihet mundësia për shtrëngim masash

Shqipëria

Rritja e infektimeve me Covid-19/ Brataj: Po shihet mundësia për shtrëngim masash

Më: 13 gusht 2020 Në ora: 22:41
Skënder Brataj

Situata në vend është e frikshme sa i përket infektimeve të reja dhe numrit të të vdekurve nga koronavirusi.

Për këtë arsye sipas Shefit të Urgjencës Kombëtare, Skënder Brataj po shikohet mundësia për disa kufizime, por nuk do të ketë mbyllje të plotë dhe karantinë të detyruar.

“Nuk flitet për mbyllje e kemi thënë disa herë, nuk flitet për karantinë.

Ndërsa shtrëngim masash mund të ketë ose të pjesshme ose të detyrueshme për sa i përket formave të tjera të kufizimit të shpërndarjes së infeksionit. Njerëzit duhet sa më shumë të ndërgjegjësohen që të bëjnë atë që varet nga vetë ata.

Në qoftë se nuk ka më shtretër, aparature, burime njerëzore, detyrimisht që do të ketë masa shtrënguese.

Është në dorën e qytetarëve, ata duhet të ndërgjegjësohen. Aty ku vatra është e madhe mund të ketë mbyllje të një vatre, të një biznesi që ka një numër të madh të infektuarish. Kur flasim për mbyllje nuk flasim për mbyllje të pa kontrolluar, për dy deri në tre javë”, tha Brataj, në një intervistë për Report Tv.

Sot mund të lexoni Shfletoni kopertinat