Merret vendimi! Shahini: Në shtator nis mësimi, bashkitë të fillojnë pastrimin e shkollave

Shqipëria

Merret vendimi! Shahini: Në shtator nis mësimi, bashkitë të fillojnë pastrimin e shkollave

Më: 18 gusht 2020 Në ora: 14:51
Besa Shahini

Procesi mësimor do të rifillojë në muajin Shtator. Lajmi është bërë i ditur nga ministrja e Arsimit Besa Shahini në një deklaratë për mediat. Sipas ministres Shahini, 87% e nxënësve mendojnë se duhet që të kthehen në shkolla, ndërsa 13% janë dakord që mësimi të zhvillohet në kushte shtëpie.

Besa Shahini u ka kërkuar Bashkive që të marrin masa për të bërë pastrimin e ambienteve të shkollave dhe për t’u përgatitur për hapjen e tyre në muajin Shtator.

I gjithë procesi mësimor do të bëhet duke respektuar protokollet e sigurisë.

Në komunikimin për mediat së bashku me ministren e Arsimit ishte edhe ministrja e Shëndetësisë Ogerta Manastirliu, e cila theksoi se parakusht për hapjen e shkollave vlerësohet krijimi i kushteve dhe respektimi rigoroz i protokolleve të sigurisë.

Ndërkohë, ministrja e Shëndetësisë Ogerta Manastirliu deklaroi se parakusht për hapjen e shkollave vlerësohet krijimi i kushteve dhe respektimi rigoroz i protokolleve të sigurisë, të përcaktuara tashmë nga ekspertët e shëndetit publik.

“Grupet tona të ekspertëve janë në komunikim të vazhdueshëm, për një detajim të protokolleve të sigurisë, ku përfshihen masat e distancimit social, kushtet higjeno-sanitare, si dhe çdo masë që garanton kufizimin e përhapjes së virusit. Ndaj çdo vendim për hapjen e shkollave po koordinohet me përgjegjësi maksimale nga institucionet përgjegjëse për garantimin e masave të distancimit social dhe sigurisht duke vlerësuar në dinamikë situatën epidemiologjike”, tha Manastirliu.

commentFirst article
Sot mund të lexoni Shfletoni kopertinat