Ministrja e Arsimit e Shqipërisë, Besa Shahini ka publikuar një album të mësueseve në momente të xhirimit të temave të lëndëve mësimore për këtë vit shkollor.
“Ditë për ditë, disa prej mësuesve tanë më të mirë po xhirojnë orët mësimore për kanalin e dedikuar “RTSH Shkolla”, në mënyrë që të jemi në çdo rast gati edhe për shkollën në kushte shtëpie. E lumtur që kemi mësues kaq të përkushtuar dhe po japin edhe në këto momente maksimumin e tyre për të përballuar një tjetër vit jo të lehtë shkollor” shprehet Shahini në statusin e saj në rrjetin social.
