Merrte para ryshfet për të mos gjobitur bizneset e gjetura në shkelje, por ky veprim i tij i kushtoi prangat inspektorit të Tatimeve Tiranë.
Gjykata e Posaçme kundër Krimit dhe Korrupsionit, ka caktuar ditën e sotme si masë sigurie “arrest me burg”, për inspektorin Erjon Trungu 37 vjeç
Nga hetimet e kryera nga prokuroria e posaçme SPAK, rezultoi se Trungu merrte ryshfet nga biznese të ndryshme në Tiranë, për të mos i gjobitur,
Inspektori 37-vjeçar akuzohet për veprën penale “Korrupsion pasiv të personave që ushtrojnë funksione publike”.
Gjatë arrestimit të bërë tre ditë më parë, 37-veçarit iu gjetën 5 mijë euro në cilësinë e provës materiale.
Dyshohet se këto para i kishte marrë si ryshfet nga një biznes në Kamëz.
