Një ngjarje e rëndë ka ndodhur mbrëmjen e djeshme në Selanik, ku një 32-vjeçar shqiptar është plagosur me armë zjarri. Sipas mediave, i plagosuri kishte mbërritur në spitalin e Selanikut me plagë në trup.
Referuar burimeve të policisë, mediat greke citojnë se shqiptari, identiteti i të cilit nuk bëhet i ditur është një person me rekorde të theksuara kriminale. Por ai i ka thënë policisë se nuk ishte i përfshirë në incidentin e përgjakshme dhe se aty ishte duke kaluar rastësisht.
I pyetur nga policia, se përse nuk thirri ambulancën, i riu shqiptar tha se fillimisht nuk e kishte kuptuar dëmtimin e tij.
Më pas sipas asaj që deklaroi, ai mori një taksi dhe u transportua i vetëm për në Repartin e Urgjencës.
Vazhdojnë hetimet e Autoriteteve të Policisë për zbardhjen e ngjarjes.