Shqipëria merr 30 respiratorë borxh nga Danimarka

Shqipëria

Shqipëria merr 30 respiratorë borxh nga Danimarka

Më: 23 shtator 2020 Në ora: 18:52
Foto Ilustrim

Rritja e numrit të të shtruarve në spitale për shkak të coronavirusit duket se kanë detyruar Ministrinë e Shëndetësisë në Shqipëri që të gjejë mundësi alternative të shtimit të numrit të respiratorëve në përdorim.

Kështu, siç raportojnë mediat daneze, Shqipëria ka marrë në përdorim 30 respiratorë nga Danimarka me qëllim përdorimin në spitalet tona për të trajtuar pacientët që janë në terapi intensive.

Lajmi është konfirmuar edhe nga Ministria e Jashtme e Danimarkës, e cila thekson në faqen e saj se respiratorët do t’i jepen në përdorim Shqipërisë për aq kohë sa do t’i duhen dhe më pas do të rikthehen në vendin e origjinës.

Situata me të shtruarit nga koronavirusi është rënduar në spitalet shqiptare. ISHP njoftoi dje për 201 të shtruar në të dy spitalet Covid, nga të cilët 17 janë në terapi intensive dhe 8 të intubuar.

commentFirst article
Sot mund të lexoni Shfletoni kopertinat