Moti vijon të surprizojë, ku pas ditëve të ngrohta me diell, vendi ynë u përfshi që prej orëve të mbrëmjes së djeshme nga shira të dendur e erë të fortë.
Megjithatë, sipas Shërbimit Meteorologjik Ushtarak, dita e nesërme pritet të sjellë një përmirësim të kushteve atmosferike.
Moti parashikohet të jetë kryesisht i kthjellët me vranësira kalimtare përgjatë orëve të mesditës.
Reshjet e shiut do të jenë të herëpashershme të dobëta në veriperëndim dhe jug, hera herës në formë shtrëngatash.
Ndërkohë, dita e Hënë dhe ajo e Martë parashikohen të kenë përsëri mot të vranët me reshje shiu me intensitet mesatar deri dhe të lartë.