Një i ri 27-vjeçar nga Tirana është arrestuar nga policia pasi më herët kishte kundërshtuar dhe më pas përplasur me makinë një efektiv policie.
Burmiet zyrtare thonë se në pikën e kontrollit të ngritur nga ana e “Shqiponjave” dhe “Shigjetave", në vendin e quajtur “ish-Fusha e Aviacionit”, i është bërë shenjë ndalimi mjetit tip “BMW”, drejtuesi i të cilit nuk i është bindur urdhrit të punonjësit të Policisë dhe është larguar me shpejtësi.
Madje ai ka goditur me makinë punonjësin e policisë, i cili ka marrë dëmtime të lehta dhe ndodhet jashtë rrezikut për jetën.
Pas disa minuta ndjekjeje, “Shqiponjat” kanë kapur dhe prangosur shtetasin A. G., 27 vjeç, banues në Tiranë.
U konstatua se ai drejtonte makinën pa lejen përkatëse.
