Në qytetin e Elbasanit janë shënuar 6 raste të reja me Covid-19.
Sipas informacioneve, mes të infektuarve është edhe Drejtori i Kulturës në Bashkinë e Elbasanit, si dhe një mësuese në një shkollë private.
Numri i të infektuarve në radhët e mësuesve ka shkuar 21 persona me rastin e sotëm në Elbasan, teksa lajmi i mirë është se nxënësit që bënë tamponin në një gjimnaz kanë rezultuar negativë.
Sakaq edhe një kopësht është mbyllur pasi 8 persona, edukatore dhe sanitare kanë rezultuar me Covid.
Dy edukatore rezultuan të prekura disa ditë më parë, ndërkohë që tamponët e stafit nxorën pozitiv edhe 6 të tjera.
Bashkia e Elbasanit mori masa për mbylljen e kopshtit dhe dezinfektimin e ambienteve pasditen e djeshme.
