Është ndarë nga jeta profesori i mjekësisë, Elmaz Eltari. Ai humbi betejën me koronavirusin, teksa gjendja e tij ishte rënduar prej ditësh.
Për lajmin e trishtë ka reaguar edhe ministrja e Shëndetësisë, Ogerta Manastirliu.
“E trishtuar për ndarjen nga jeta të prof. Elmaz Eltarit, ish drejtues i klinikës infektive, një nga ata mjekë të rrallë, që njihej ndër kolegë dhe pacientë për humanizmin e tij.
Megjithë përpjekjet e kolegëve, profesori 85 vjeçar nuk mundi ta fitojë betejën me virusin e rrezikshëm #COVID19
Ngushëllime të sinqerta bashkëshortes, prof.Afërditës, familjarëve dhe miqve të prof. Elmazit”, shkroi ministrja në Facebook.
