Kreu i Partisë Demokratike, Lulzim Basha thotë se duhet të rritet numri i testimeve.
Nëpërmjet një postimi në Twitter, kreu demokrat rendit katër hapat urgjentë, të cilët duhet të ndërmerren nga ana e qeverisë për të menaxhuar situatën. Basha thotë se shqiptarët janë lënë në mëshirë të fatit.
“Rritja e numrit të testimeve, rimbursimi i plotë për mjekimin në shtëpi kundër Covid, bonusi i premtuar dhe angazhimi i të gjithë mjekëve e infermierëve dhe shtimi i kapaciteteve spitalore janë 4 hapa URGJENTË në ndihmë të shëndetësisë dhe shqiptarëve të lënë në mëshirë të fatit”- shkruan Basha.