“LSI përgjegjësi për inceneratorët”/ Anëtarja e Kryesisë Elona Guri replikon me Manjanin

Shqipëria

“LSI përgjegjësi për inceneratorët”/ Anëtarja e Kryesisë Elona Guri replikon me Manjanin

Më: 27 tetor 2020 Në ora: 18:08
Elona Guri

Përgjegjësi politike apo individuale për inceneratorët?! Deklarata e fortë e ish-ministrit të Drejtësisë Ylli Manjani, i cili bëri përgjegjës LSI-në për inceneratorët ka trazuar jo pak ujërat në partinë e Monika Kryemadhit.

Kërkesa publike e ish-ministrit te LSI, Ylli Manjani për përgjegjësi politike nga partia dhe jo vetëm “kryqëzim” të Lefter Kokës ka nxitur reagimin e ashpër të anëtares së Kryesisë Elona Guri.

“LSI ka aq pergjegjesi per marrveshjet mafioze te incineratoreve, aq sa ka me licencat e notereve dhe dyqanet e burgjeve!”, shkruan Guri në rrjetet sociale.

Më herët Ylli Manjani i kujtonte kryetares së LSI-së Monika Krymadhi se në qeverinë Rama 1 nuk ka qenë vetëm Lefter Koka ministër Mjedisi, por ka pasur edhe ministra të tjerë nga radhët e LSI-së anëtarë te kabinetit të cilët nuk e kundërshtuan projektin e inceneratorëve, duke kërkuar përgjegjësi politike për këtë çështje nga të gjithë.

commentFirst article
Sot mund të lexoni Shfletoni kopertinat