Pas konfirmimit në detyrë nga KPK, Komisioneri Publikkërkon shkarkimin e prokurores Enkeleda Osmani.
Komisioneri Publik ka ankimuar vendimin e KPK-së, institucion i cili e konfirmoi në detyrë Enkeleda Osmani (Xhengo).
KP i kërkon Kolegjit të Posaçëm të Apelimit që të riçelë hetimin gjyqësor për prokuroren dhe, të vendosë shkarkimin nga detyra të saj.
Në një njoftim në faqen zyrtare, Komisioneri Publik thotë: “Subjekti i rivlerësimit nuk arrin nivel të besueshëm për konfirmimin në detyrë, pasi, referuar gjendjes së fakteve dhe provave, vendimi është i cenueshëm në tërësinë e tij”.
