“Duhen mbyllur për një farë kohë kafenetë”/ Flet imunologu: Nuk e parandalojmë dot dhe s’kemi kapacitete

Shqipëria

“Duhen mbyllur për një farë kohë kafenetë”/ Flet imunologu: Nuk e parandalojmë dot dhe s’kemi kapacitete

Më: 31 tetor 2020 Në ora: 18:43
Genc Sulçebe

Autoritetet shëndetësore në Shqipëri kanë paralajmëruar se do të mbyllin lokalet në zonën e ish-bllokut pas orës 22:00, por për imunologun Genc Sulçebe lokalet dhe barët duhen mbyllur të gjitha për një farë kohe.

Në një intervistë për emisionin “Kjo Javë”, Genc Sulçebe tha se Shqipëria nuk ka kapacitetet e nevojshme për të përballuar një fluks të madh të pacientëve me Covod.

Pra ju jeni për një izolim të pjesshmen?

“Po sigurisht, sepse ndryshe nuk e parandalojmë dot. Nuk kemi kapacitete spitalore. Kjo është e nevojshme dhe e gjithë Evropa po e përjeton këtë situatë dhe po merr këto masa.

Më vjen keq shumë për këto biznese, por për një farë kohë duhen mbyllur të gjitha kafenetë. Mund të lejohem vetën në ambiente të hapura dhe në asnjë mënyrë pa maskë”, u shpreh Sulçebe.

Ajo që imunolgu e quan skandaloze është fakti që maska mbahet jashtë dhe hiqet sapo hyn në lokal.

“Mbajtja e maskës është gjë shumë pozitive, por paradoksalë dhe skandaloze është kur ti e heq maskën kur futesh brenda. Brenda është rrezikuar më i madh.  Të kesh maskën rrugës dhe të futësh në lokal dhe ta heqësh është paradoksale dhe e rrezikshme madje”, tha mjeku.

Sipas imunologut Sulçebe, personat me grup gjaku A janë më të rrezikuar, ndërsa grupi Zero është më i mbrojtur.

commentFirst article
Sot mund të lexoni Shfletoni kopertinat