Shefja e Infektivit: Kemi vende bosh për të sëmurët me Covid-19

Shqipëria

Shefja e Infektivit: Kemi vende bosh për të sëmurët me Covid-19

Më: 10 nëntor 2020 Në ora: 22:46
Najada Çomo

Ditën e sotme, Kryeministri Rama ashtu siç paralajmëroi dje, ka shpërndarë pamje nga spitali Infektiv në Tiranë ku po kurohen të prekurit nga Covid-19. Ndërkohë, në videon e publikuar shfaqet shefja e spitalit, Najada Çomo, e cila gjatë bashkëbisedimit me gazetarin mbi protokollet e mjekimit që ndiqen në spital shpjegon mënyrën se si mjekohen pacientët në bazë të udhërrëfyesve të tyre, duke marrë praktika nga vende të tjera. Gjithashtu, kjo e fundit theksoi se spitali Infektiv ka një kapacitet prej 120 shtretërish, ndërsa ka ende krevate bosh. Po kështu, Çomo tha se pacientët që qëndrojnë jashtë në ambulancë vlerësohet gjendja e tyre e më pas vendoset nëse do shtrohen në spital.

Më konkretisht, shefja e Infektivit tha se:

“Kapacitetet janë 120 këtu, nuk janë ezauruar. Ne kemi shtretër të lirë këtu, por pacientët që janë më mirë i kalojmë në Covid 3. Sa për pacientët në ambulancë ata qëndrojnë aty, jo se nuk ka shtretër, por ka një triazh që bëhet nëse i plotëson apo jo pacienti kushtet për të hyrë brenda.”

commentFirst article
Sot mund të lexoni Shfletoni kopertinat