Nën hetim nga SPAK/ A do të zhvishet Ervin Bushati nga funksionet në PS? Ja si përgjigjet Rama

Shqipëria

Nën hetim nga SPAK/ A do të zhvishet Ervin Bushati nga funksionet në PS? Ja si përgjigjet Rama

Më: 17 nëntor 2020 Në ora: 12:35
Edi Rama

Gjatë konferencës së sotme për mediat, kryeministri Rama iu përgjigj pyetjeve të gazetarëve lidhur me mundësinë për të “zhveshur” nga funksionet në parti, deputetin e PS-së, Ervin Bushatin, pasi kreu i PS për Tiranën është nën hetim nga SPAK për fshehje të pasurisë dhe falsifikim dokumentesh për 3100 m2 truall.

Kreu i qeverisë nuk dha një përgjigje shteruese lidhur me vendimin që do të merret, por theksoi se në PS qëllimi është i përbashkët dhe përgjegjësia individuale.

“PS ka një ndryshim të madh midis PS-së nga Partia e Syrit dhe nga partitë e tjera që mendojnë vetëm për sy dhe për faqe. Qëllimi është i përbashkët, përgjegjësia individuale. PS s’do të bëhet asnjëherë mburojë e askujt.

Kështu që mos kini asnjë merak në këtë aspekt. Gjërat janë shumë të qarta mes nesh. Kur dikush merr një detyrë e di shumë mirë që qëllimi është i përbashkët dhe përgjegjësia individuale.

Kur ky kapërcim shkel interesin e përbashkët secili përgjigjet vet. Sa i takon zhveshjes së z. Bushati kjo është një çështje që i takon familjes sonë politike, dhe e dimë kur e bëjmë ne në raport me qytetarët”, u shpreh Rama.

commentFirst article
Sot mund të lexoni Shfletoni kopertinat