Një 29-vjeçar ka përfunduar në prangat e Policisë së Elbasanit pasi ka goditur një mjek që ishte në krye të detyrës në spitalin e qytetit.
Ngjarja ka ndodhur në Urgjencën e Elbasanit, dhe mjeku i goditur është shtetasi Sherif Kullolli 55 vjeç.
Mësohet se i riu ka pasur të atin në Urgjencë, në gjendje të rëndë, dhe i ka kërkuar mjekut ta observojë më shpejt. Mes tyre ka nisur një debat që ka degjeneruar në dhunë, ku i riu ka goditur mjekun.
“Specialistët për Hetimin e Krimit në Komisariatin e Policisë Elbasan, arrestuan në flagrancë shtetasin: K.G., 29 vjeç, banues në Elbasan, pasi në urgjencën e spitalit Elbasan, ka goditur dhe kanosur me fjalë mjekun e gatshëm shtetasin Sh.K., 55 vjeç, banues në Elbasan”, bën me dije policia.
