Është kapur dhe ndaluar në Mat një 26-vjeçar, i dënuar më parë për krime kundër personit, armëmbajtjes pa leje dhe prodhimit e shitjes së lëndëve narkotike.
Bëhet fjalë për S. N., 26 vjeç, banues në Burrel.
Kapja dhe ndalimi i tij u bë pasi në datë 01 shtator 2020, në qytetin e Burrelit, pas një konflikti për motive të dobëta dyshohet se ka qëlluar me armë zjarri në ajër dhe kanosur një 26-vjeçar.
Për shtetasin e lartpërmendur Gjykata e Rrethit Gjyqësor Mat ka vendosur masën e sigurimit personal “Arrest me burg”, i dyshuar për kryerjen e veprave penale “Mbajtja pa leje dhe prodhim i armëve, armëve shpërthyese e municioneve”, “Kanosje” dhe “ Prishje e qetësisë publike”.
Materialet procedurale do t’i referohen Prokurorisë Mat për veprime të mëtejshme.
