Me një vendim të paprecedent, Këshilli i qarkut të Kukësit i hoqi sot titutllin “Qytetar Nderi” publicistit dhe politikanit Veton Surroi me argumentin se ka bërë fushatë mediatike kundër UÇK.
Kreu i Qendrës së Lëvizjes Vetëvendosje në Tiranë, Boiken Abazi, edhe pse nuk bie dakord me shumë qëndrime të Surroit, thotë se këshilltarët para se të merren me figura publike mund ti kërkojnë partisë së tyre dhe Kryeministrit të miratojë rezolutën për njohjen dhe dënimin e genocidit serb në Kosovë të cilën VV e kërkon prej një viti.
Abazi: Unë kam vetëm një thirrje për atë këshilltarë bashkiakë të Kukësit para se të vazhdojnë të merren me shqiptarët që kanë kritika nga UÇK, unë nuk pajtohem me qëndrimet e Surroit për UÇK, thirrja ime është që në vend që të merren me nisma të tilla ti çojnë një peticion Ramës dhe PS ti kujtojnë se kanë një kërkesë për rezolutën për njohjen dhe dënimin e genocidit të Serbisë, ti kërkojnë ta miratojë sa më parë në Kuvend. Kanë pasur me rast me vite.
Ata që kanë drejtuar Shqipërinë kanë një lloj frike për të treguar plagët që ka marrë ky komb. Genocidi në Kosovë është i fundit në një linjë të gjatë gjatë kolonizimit të Kosovës nga Serbia, kemi dhe dy genocide në jug të Shqipërisë nga Greqia në 1913-1914 dhe genocidin ndaj shqiptarëve të Çamërisë. Për këtë të fundit kaloi një rezolutë në 1994 në këtë Kuvend dhe njohu nevojën për ndërtimin e një memoriali, vendosi datën në kalendarin kombëtar por ai nuk ekziston, është kalendar që është mbajtur gjatë diktaturës. Kur erdhi në pushtet PS bashkë me PDIU u miratua një rezolutë por nuk u votua, nuk merret vesh me apo pa kuorum. Kur kërkojmë këtë rezolutë, nuk kërkojmë diçka simbolike por ripozicionimin e politikës së jashtme të Shqipërisë.Përmes këaj rezolute kërkojmë që të përcaktojnë 15 janarin si dita e genocidit të Serbisë ndaj shqiptarëve të Kosovës. Të shpjegohet në kurrikulat arsimore.
Por në vend të kësaj rezolute, Parlamenti miratoi të enjten ngritjen e një komisioni hetimor për hetimin e akuzave të pretenduara të Dick Marty.
Teksa bën një analizë, Abazi e gjen të pakuptimtë dhe të pavend përsa kohë këto akuza po hetohen nga Specialja.
Abazi: Ta zëmë se i ka motivet e pastra, që zoti Balla po thotë atë që mendon me të vërtetë. Dua të analizoj deri ku shkon kjo iniciativë. Këtu janë zhvilluar hetime nga EULEX në 2012 pasi PD-PS e votuan në Kuvend. Jemi në një fazë në Gjykatën Speciale ku nuk ka më hetime, Shqipëria mban sot barrën e një aktakuze që pretendon se këtu janë zhvilluar krime lufte nga UÇK. Ta zëmë se Komisioni mbledh provat, bëhet një dosje e madhe. Parpë jemi spektikë se këtu vazhdon minishengeni, takimi me Vuçiç, dashuria e madhe për mikun e Arkanit. Por e zëmë se u bë dosja dhe e shoqërojmë me një rezolutë. Ajo tha Balla do të shkojë në Këshillin e Europës për të pastruar imazhin e Shqipërisë. Por si do të pastrosh imazhin kur këto akuza po hetohen në Gjykatë Speciale? Aktakuza është e redaktuar, nuk është zbardhur plotësisht.
Edhe pse ish-krerët e UÇK dhanë dorëheqje nga postet që mbanin, Abazi thotë për Rtv Ora se gjyqi ndaj tyre në Hagë e ka cënuar imazhin e Kosovës.
Abazi: Tashmë është cënuar imazhi i Kosovës, nuk ka njohje të reja për Kosovën, Serbia po e keqpërdor këtë situatë për të penguar shtetndërtimin e Kosovës, anëtarësimin e saj në organizata ndërkombëtare. Duhet të ishim në sulm për të treguar të vërtetën.
