Vaksina anti-COVID/ Kryemadhi: I besoj dhe jam pro saj

Shqipëria

Vaksina anti-COVID/ Kryemadhi: I besoj dhe jam pro saj

Më: 27 nëntor 2020 Në ora: 22:57
Monika Kryemadhi

Kryetarja e LSI-së, Monika Kryemadhi ka folur për vaksinën anti-COVID, për të cilën shpresat janë se do fillojë të shpërndahet në fillim të dhjetorit në disa vende.

E pyetur nga Arjan Çanit në lidhje me vaksinën, Kryemadhi tha se e beson dhe është pro saj dhe inkurajoi të gjithë qytetarët që ta bëjnë. Në momentin që ato licencohen nuk janë më marketing tha ajo dhe nuk përfitohet në kurriz të njerëzve.

E pyetur nëse ajo do ishte e gatshme ta bënte, Kryemadhi tha se ajo e ka kaluar COVID pa simptoma, pra është simptomatike dhe për asimptomatikët vaksina është disi me problem.

Çani: A jeni gati të bëni vaksinën që po vjen?

Kryemadhi: Unë i besoj shkencës së mjekësisë dhe i besoj institucioneve, siç është FDA në SHBA dhe agjencisë për licencimin e vaksinave, agjencia europiane. Sigurisht që i besoj vaksinës, unë kur bëj thirrje për të bërë vaksinën për kancerin e qafës së mitrës, normalisht jam pro vaksinës dhe kundër bizneseve që duan të përfitojnë në kurriz të njerëzve.

Unë tashmë e kam një pak problem, pasi jam asimptomatike, sepse vaksinat janë problematike për asmiptomatikët, dhe unë e kam kaluar Covid-in si asimptomatike. Asnjë gjë nuk është. Në momentin që këto vaksina licensohen dhe nuk janë në kuadrin e marketingut, sepse që kur është regjistruar patenta e vaksinës, 4 vite para se të vinte koronavirusi.

Çani: Mos ndoshta vaksinat që do të vijnë do bëjnë më shumë dëm se Covidi…

Kryemadhi: Vaksina e gripit të derrit ka pasur më shumë vdekje se çdo vaksinë tjetër. Kam përshtypjen se ata që e kanë kaluar, nuk duhet ta bëjnë më. Për këtë duhet të flasin ata që merren me mikrobiologji.

commentFirst article
Sot mund të lexoni Shfletoni kopertinat