Ulja e temperaturave ka sjellë reshjet e para të dëborës në verilindje të vendit, të cilat kanë nisur që prej orëve të mbrëmjes së djeshme.
Reshje bore janë regjistruar në Shishtavec të Kukës, Has dhe Tropojë.
Flokët e parë të dëborës janë regjistruar dhe në Prishtinë dhe zona të tjera të Kosovës.
Drejtoresha e Shërbimeve Publike në komunën e Prishtinës, Medina Braha ka shkruar se ekipet e komunës janë gjatë gjithë kohës në gatishmëri për intervenimet e nevojshme.
“Bora e parë për këtë vit ra mbrëmë. Ekipet tona kanë pastruar dhe hedhur kripë e rërë sipas nevojës në pjesët rurale dhe urbane ashtu që rrugët të mos jenë të pakalueshme. Ato janë tërë kohën në gatishmëri për intervenimet e nevojshme”, ka shkruar Braha.