Një 45-vjeçar mbeti i plagosur rëndë në një aksident rrugor në Ersekë.
I plagosuri po udhëtonte i vetëm në makinë, kur ka humbur kontrollin e mjetit dhe ka dalë nga rruga.
Burimet bëjnë me dije se ka marrë plagë të rënda.
“Më datë 30.11.2020, rreth orës 13:45, në aksin rrugor Ersekë-Korçë, në vendin e quajtur “Fusha e Selenicës”, ka dalë nga rruga mjeti tip “Volkswagen”, me drejtues shtetasin G. X., rreth 45 vjeç, i cili për pasojë është dëmtuar dhe ndodhet në Spitalin e Ersekës, nën kujdesin intensiv të mjekëve.”
Grupi hetimor po punon për sqarimin e rrethanave të aksidentit.
