Në tregun e këmbimit valutor vendas, të enjten leku thelloi pozitat dominuese ndaj valutave kryesore.
Sipas kursit zyrtar të Bankës së Shqipërisë, monedha e gjelbër amerikane u zhvlerësua sot me 0.43 lekë duke u kuotuar në nivelin më të ulët që prej vitit 2014, në vlerën e 102.39 lekëve.
Ndërsa euroja nuk ka ndryshuar. Monedha e përbashkët europiane këmbehet njësoj sa një ditë më parë me 123.88 lekë.
Paundi britanik ka humbur terren lehtë me 0.02 lekë dhe këmbehet sot me 137.34 lekë ndërsa franga zvicerane është forcuar në raport me lekun me 0.31 lekë dhe këmbehet me 114.57 lekë.
