“Përfaqësues i verës! Jo jam këtu për të takuar të dashurën”, shqiptari kapet me tre kg kokainë
Policia italiane në Ponte Pattoli ka arrestuar një 46 vjeçar me origjinë shqiptare, pasi u kap me rreth 3 kg kokainë.
Mësohet se shqiptari banues në Toskanë, u prangos pas manovrave që bëri me një automjet tip Mercedes Gla, i cili u kthye papritur në sheshin ngjitur me fushën e sporteve. Dyshuar për manovrën, policia vazhdoi kontrollet.
Teksa e pyetën për arsyet e pranisë së tij në një vend tjetër përveç komunës së tij të banimit, i njëjti raportoi se ishte “përfaqësues i verës” dhe udhëtonte për punë.
Sidoqoftë, duke mos arritur të ekspozonte ndonjë paketim të verës që do të duhej të mbante, me një qëndrim gjithnjë e më nervoz, ai ndryshoi versionin, duke pretenduar se ishte në Umbria për të vizituar të dashurën e tij e cila, megjithatë, nuk e kujtoi dot se ku jetonte, shkruan “Ansa”.
Në atë moment, karabinierët vendosën t’i nënshtronin subjektit një kërkim më të thelluar, duke vërejtur qese dhe copa celefoni.
Në një ndarje të bagazhit dhe në një sirtar të dhomës së pasagjerëve, u gjetën 3 pako, të mbështjella me celofan, të një lënde narkotike të llojit kokainë, me një peshë totale mbi 3 kg, si dhe dy telefona celularë, material për prerjen dhe paketimin e substancës narkotike dhe shumën prej 830 euro, të ndara në kartëmonedha të prerjeve të ndryshme.
Menjëherë, shqiptari u arrestua ndërsa lënda narkotike, paratë dhe sendet e tjera iu nënshtruan sekuestrimit. I arrestuari, në fund të formaliteteve, u dërgua në burgun e Capanne.
