Ambasadori i BE-së ne Shqipëri, Luigi Soreca ka theksuar se ka një bashkëpunim dhe partneritet të privilegjuar mes BE-së dhe Shqipërisë e Ballkanit Perëndimor.
Soreca përmes një postimi në Twitter shprehet se gjatë krizës se COVID dhe tërmetit BE ka treguar se Shqipëria dhe Ballkani Perëndimor janë partnerët e saj.
Ai ka vlerësuar deklaratën e Komisionit Europian për miratimin e paketës prej 70 milionë euro për të ndihmuar shtetet e Ballkanit Perëndimor për të blerë vaksinën anti-Covid-19.
“Gjatë krizës së COVID-19 dhe post tërmetit BE ka treguar se Shqipëria dhe Ballkani Perëndimor janë partnerë të privilegjuar. BE vazhdon të veprojë me këtë frymë edhe në rastin e vaksinës. 70 milion € për të mundësuar fillimin e fushatave të vaksinimit për stafin mjekësore dhe grupet më të ndjeshme sa më shpejt të jetë e mundur me kontributin e drejtpërdrejtë të vaksinave nga Shtetet Anëtare të BE”, shkruan Soreca.
