Zbardhen detaje të reja nga gjetja e dy vajzave të mitura nga Tirana në Përmet, të cilat ishin larguar nga banesa që prej 1 janarit.
Mësohet se dy shoqet adoleshente janë gjetur në një dhomë hoteli në këtë qytet.
Në Përmet ato kishin mbërritur ditën e sotme nga Saranda me një mjet furgon.
Ka qenë ora 10:10 e paradites së sotme, 5 janar, kur vajzat janë paraqitur në recepsionin e hotelit ku edhe kanë prenotuar një dhomë dyshe për qëndrim.
Por sapo kanë marrë çelësat e dhomës ato janë ndaluar nga dy policisë civilë të komisariatit të Përmetit, ende pa u ngjitur në katin e dytë.
Ato kanë qenë të pashoqëruara.
Siç mëson Ora News, policia kishte vënë në përgjim tefonat e dy vajzave prej ditësh.
Hoteli ku u gjetën vajzat survejohet nga kamera sigurie, të cilat pritet të sekuestrohen nga policia.
Dy vajzat u larguan më 1 janar nga banesat e tyre në Tiranë. Prindërve u kishin thënë se do të shkonin për vizitë tek njëra tjetra për Vit të Ri ndërsa me vete kanë marrë edhe para, kartat e identitetit dhe disa veshje.
Vajzat u gjetën sot, 5 janar, në një hotel në Përmet.