Në cilin qark do të kandidojë? Kryemadhi zbulon dy qytetet ku do të kryesojë listat

Shqipëria

Në cilin qark do të kandidojë? Kryemadhi zbulon dy qytetet ku do të kryesojë listat

Më: 19 janar 2021 Në ora: 16:01
Monika Kryemadhi

Kryetarja e LSI-së Monika Kryemadhi deklaroi sot se do të jetë në listën e kandidatëve për deputetë të kësaj force në dy qarqe, atë të Elbasanit dhe të Fierit, por nuk përjashtoi mundësinë për të qenë dhe në listat e Tiranës dhe Durrësit.

Kryemadhi tha në News24 se ky Kod ia mundëson këtë gjë.

“Do kandidoj në Fier dhe Elbasan si kryetare e LSI. Kodi i Edi Ramës e favorizoi LSI-në për të krijuar më shumë hapësirë për gratë dhe vajzat. Kërkon organizmi të përditshëm, inventarizim të Qendrave të Votimit. Ky kod favorizon jashtëzakonisht shumë të majtën e bashkuar për t’u vënë përballë Rilindjes. 25 prilli është dita për ndryshimin e madh për të cilin sot shqiptarët kanë nevojë më shumë se kurrë. Monika Kryemadhi është çdo njeri tjetër që do jetë në listë. Nuk e kam menduar akoma për momentin, ka kohë deri atëherë dhe për Tiranën dhe Durrësin se me kodin i ri zgjedhor ia krijon shansin kryetarëve të partive që të votohen në 4 qarqe. Për t’u parë është. Interesante do të jetë shumë.

Sa i përket një koalicioni të mundshëm me PS, Kryemadhi tha se PS është e tëra në LSI. “Ne nuk bëjmë koalicion me Rilindjen, sektin që ka grabitur vlerat e socialistëve të vërtetë. LSI është parti e qendrës së majtë, ka ardhur si rezultat i arrogancës së lidershipit të atëhershëm të PS. Sekti solli taksa më të larta për të varfrit. Nuk është kjo rilindje që mund të themi që është PS”, tha Kryemadhi.

commentFirst article
Sot mund të lexoni Shfletoni kopertinat