Kryetari i Partisë Republikane Fatmir Mediu beson se negociatat me liderin e Partisë Demokratike Lulzim Basha mbi zgjedhjet e 25 prillit do të përfundojnë me një marrëveshje mes palëve.
I ftuar në emisionin Përballë të gazetarit Lutfi Dervishi, Mediu tha:
“Unë jam me 99.9% tek ideja e marrëveshjes, edhe njëherë nuk e kam idenë që PR do të dalë më vete. Nqs Partia Demokratike nuk e do PR pa dyshim që s’ka rrugë tjetër.
Unë nuk mund të bëj atë që s’duhet ta bëjë asnjë republican. Të jem unë kaq miop që votat e PR të shkojnë në favor të Edi Ramës. 30 vjet histori politike PR ka qënë në krah të PD-së. Nqs s’ka një marrëveshjë PR ka shtëpinë e vet”, theksoi Mediu.
