Një vajzë që ka udhëtuar nga Aeroporti i Rinasit në drejtim të Gjermanisë është konstatuar mbartëse e mutacionit britanik të Coronavirusit.
Mediet gjermane raportojnë për shfaqjen për herë të parë të mutacionit në rajonin e Hochtaunus.
Siç raporton Frankfurter Allgemeine Zeitung, mutacioni B117 u konstatua tek një vajzë 22-vjeçare, e cila ishte kthyer nga Shqipëria.
Zbulimi u bë pas analizave në një laborator më të specializuar u konstatua se në fakt bëhej fjalë për mutacionin britanik.
Vajza është në gjendje të stabilizuar shëndetësore dhe po mbahet në karantinë. Ndërkohë në Shqipëri nuk është raportuar ende që të ketë të infektuar me Coronavirusin e ri të mutacionit britanik.
Megjithatë zbulimi i B117 tek vajza e kthyer nga Shqipëria është një tregues i rëndësishëm për të kuptuar se Shqipëria po përballët aktualisht edhe me këtë mutacion të ri pavarësisht se laboratorët e ISHP-së nuk e konstatojnë dot.
