Kryeministri Edi Rama ka deklaruar sot se emrat e parë në listën e kandidatëve të PS për deputetë do të jenë emra të rinj. Ai ka prezantuar të parët në Shkodër, Vlorë, Korçë, Kukës e Dibër.
Greta Duraku, e para në Kukës. Është një vajzë e angazhuar prej vitesh në sektorin privat.
Eni Zake, e para në Korçë, administratore e universitetit të Korçës, pedagoge për shumë vite, anëtare e këshillit bashkiak, me shumë aktivitet komunitar.
Lavdrim Krashi, i pari në Dibër, një emigrant profesionist. Prej vitit 1994 ka emigruar në Britaninë e Madhe. Është i njohur dhe i respektuar nga komuniteti dibran në Londër por dhe nga komuniteti dibran në përgjithësi, i përkushtuar ndaj njerëzve, me një rrugëtim mbresëlënës që e ka çuar në nivelin e nëpunësit publik në Bashkinë e Londrës. Është një mesazh jo vetëm për komunitetin dibran, por dhe gjithë komunitetin e madh të shqiptarëve emigrantë dhe një ilustrim konkret, i përpjekjes për ta çuar në nivel tjetër punën tonë dhe marrëdhëniet me emigrantët pasi kemi hedhur një bazë goxha të mirë”, prezantoi Rama.
Listën e Partisë Socialiste në qarkun e Tiranës do ta udhëheqin dy simbolet e situatave të vështira që kaloi Shqipëria me tërmetin dhe koronavirusin, Luljeta Bozo dhe Najada Çomo.
“Pensionistët për herë të parë do të kenë deputetin e tyre, gjyshet të ndihen të përfaqësuara dhe për herë të parë të mos kenë të tjerë që flasin për ta por një prej tyre që i përfaqëson dhe është një mesazh i bindjes sime se nuk është mosha, që sjell të renë” tha ai.
Në Berat do të jetë Hatixhe Konomi, aktualisht nënkryetare bashkie në këtë qytet.