PD thirrje KQZ që të mos regjistrojë në zgjedhje Tom Doshin: Është i dëbuar nga SHBA, zbatoni ligjin

Shqipëria

PD thirrje KQZ që të mos regjistrojë në zgjedhje Tom Doshin: Është i dëbuar nga SHBA, zbatoni ligjin

Më: 10 mars 2021 Në ora: 12:39
Tom Doshi

Partia Demokratike i ka bërë thirrje Komisionit Qendror të Zgjedhjeve që të mos regjistrojë Tom Doshin si kandidat për deputet në zgjedhjet e 25 prillit.

Me një deklaratë për mediat, PD thotë se ai është subjekt i ligjit të dekriminalizimit dhe se për këtë nuk mund të marrë pjesë në zgjedhje.

Tom Doshit i është ndaluar hyrja në SHBA, gjë që përbën shkak për ndalimin e kandidimit të tij në zgjedhje.

Më herët, ka qenë vetë Ambasadorja e SHBA, Yuri Kim, e cila ka theksuar se Tom Doshi nuk duhet të kandidojë, pasi Departamentit Amerikan i Shtetit e ka shpallur atë person non grata.

Deklarata:

Partia Demokratike i bën thirrje Komisionit Qendror të Zgjedhjeve të mos e rregjistrojë Tom Doshin në zgjedhjet e 25 Prillit.

Tom Doshi është subjekt i ligjit të dekriminalizimit dhe ai nuk mund të marrë pjesë në zgjedhje. Në kuptimin e ligjit të dekriminalizimit, neni 2, Tom Doshi ndalohet të kandidojë, pasi ai është i dëbuar nga Shtetet e Bashkuara të Amerikës. Urdhri i Sekretarit Amerikan të Shtetit ia ndalon atij hyrjen në SHBA, duke përbërë shkak ligjor për ndalimin e kandidimit të Tom Doshit në zgjedhjet e 25 Prillit 2021.

PD i bën thirrje KQZ të zbatojë ligjin dhe të marrë këtë vendim, në interesin më të mirë të vendit dhe qytetarëve shqiptarë.

Shfaq komentet
comments powered by Disqus
Sot mund të lexoni Shfletoni kopertinat