Zëdhënësja e qeverisë Elisa Spiropali ka komentuar videon që bëri bujë pak javë më parë, ku ajo shfaqet duke kërcyer me disa të rinj në një aktivitet në Kamëz. Spiropali tha se ishte aty rastësisht
“Është një akademi dance në qendër të Kamzës. Unë po kaloja aty rastësisht. Dhe stafi im më tha që po bëhet një performancë. Unë hyra për të përshëndetur”, tha Spiropali.
Pyetur nga gazetarët nëse këtë akademi kërcimi e ka ndërtuar Xhelal Mziu ajo tha se ajo ishte ndërtuar nga njerëz që i kanë pasur kundër të gjithë.
“Jo nuk e ka ndërtuar Mziu. Qoftëlargu. E kanë ndërtuar njerëz që i kanë pasur të gjithë kundra. Qeverisja më e keqe në Ballkan”, u shpreh ajo.
